Alahady 22 Aogositra 2027
Hoy izay mihira sy mandihy : Ny loharanoko rehetra dia ao aminao. Salamo 87:7
Ny fitiavan’i Kristy no manery anay (mamihina anay). 2 Korintiana 5:1
Ilay loharano tsy mety ritra
Mahita ny fifalianay ao aminao
Rehefa manjombona indrindra ny ora,
Rehefa ny finoana irery no mbola eo,
Mba handeha eo ambany alokao.
Mivelona aminao mandrakariva, ry Jesosy,
Mbanjina Anao amin’ny fotoana rehetra,
Mahita ao aminao ny fahasambaranay,
Tsy diso fanantenana na oviana na oviana amin’ny fitiavanao.
Avia manampy anay, ry Tompo,
Hitoetra eo amin’ny fahazavanao,
Hafana fo kokoa amin’ny vavaka,
Handà izao tontolo maharikoriko izao.
Mitsiky amin’ny famindramponao,
Mahatsapa ny fanatrehanao sy misokatra amin’izany,
Mitoetra ao anatin’ny fonao feno soa,
Mandroso am-patokiana fotsiny ihany.
Ry Jesosy, Mpandresy ny ota,
Mpanafaka lehibe amin’ny fahafatesana,
Loharanon-kery lehibe ho an’ny aina,
Loharanom-pitiavana tsy mety ritra,
Anao ny voninahitra ankehitriny ary ho mandrakizay !
Bernard