Alakamisy 31 Desambra 2026
Hoy Jesosy taminy : Izaho no làlana sy fahamarinana ary fiainana. Jaona 14:6
Jesosy Kristy no tsy miova omaly sy anio ary mandrakizay. Hebreo 13:8
Jesosy
Jesosy no Ilay Sakaiza faratampony,
Sakaiza mamy ho an’ny foko ;
Jesosy no Ilay tia ahy,
Fialofako sy Mpamonjiko.
Jesosy Kristy no Fahazavana
Izay tonga hanazava ny diako,
Mba tsy hania ny tongotro
Eo am-pandehanana etỳ ambonin’ny tany.
Jesosy no Ilay Fitiavana mahatoky,
Fitsaharako etỳ an-tany etỳ ;
Izy no Fiainana mandrakizay
Ary mitondra ahy ho amin’Andriamanitra.
Jesosy no Fanantenako :
Tsy ho ela dia ho tonga avy any an-danitra Izy
Haka ahy ho eo amin’ny fanatrehany
Ao amin’ny fitsaharana mandrakizay.
Ry Fanantenako, ry Zava-drehetra ho ahy, ry Fiainako,
Ry Jesosy, Fahazavana, Fitiavana,
Hanome voninahitra Anao anie aho etỳ,
Eto am-piandrasana ny hiverenanao !