Alahady 17 Mey 2026
Ny fanapahany dia fanapahana mandrakizay. Daniela 7:14
Koa izany no nanandratan’Andriamanitra Azy indrindra sy nanomezany Azy ny anarana izay ambony noho ny anarana rehetra, mba ho amin’ny anaran’i Jesosy no handohalehan’ny lohalika rehetra… sy haneken’ny lela rehetra fa Jesosy Kristy no Tompo, ho voninahitr’Andriamanitra Ray. Filipiana 2:9-11
Ny zava-mitranga sasantsasany dia manako eran’izao tontolo izao. Ny lalao famaranana ny fiadiana ho tompon-daka eran-tany amin’ny baolina kitra, ohatra, dia andrasana sy hita-na mpijery fahitalavitra an-tapitrisany. Kianja feno hafaliana, kopy arangaranga sy orohana, mpilalao hobina…
Ny Baiboly dia manambara tranga iray ho hita manerana izao tontolo izao, tranga hampitolagaga sy hampiseho amin’ny isambatanolona ny hoaviny mandrakizay. Io dia ilay fiverenan’i Jesosy Kristy am-piandrianana, aoriana-na fitsarana mampivarahontsana hihatra amin’ny tany, rehefa hiseho „ny Zanak’olona avy amin-kery sy voninahitra lehibe, eo amin’ny rahon’ny lanitra”, ary „ny maso rehetra hahita Azy” (Matio 24:30 ; Apokalypsy 1:7). Amin’izay ny olombelona rehetra dia tsy maintsy hiaiky ny maha Avo Indrindra an’i Jesosy. Horaisiny avy amin’Andriamanitra Ray ny fahefana amin’izao tontolo rehetra izao, dia hapetrany eto amin’ity tany ity, nony farany, ny fahamarinana sy ny fiadanana.
Io mpandresy lehibe io, izay hohajain’ny planeta manontolo, dia namangy voalohany ny tanintsika 2000 taona mahery lasa izay. Tena tsy mendrika mihitsy, tamin’izay fotoana izay, ny nandraisan’izao tontolo izao Ilay Mpahary azy : tavy fanisiana sakafom-biby no nomeny Azy ho solo-na fandriana, ary hazofijaliana mba hahafatesany. Nefa noho ny sorona fanonerana nataony teo amin’ny hazofijaliana sy ny nitsanganany velona indray, Jesosy dia nandresy an’i Satana sy ny fahafatesana. Azony ny zo hanjaka amin’izao tontolo rehetra izao.
Rehefa ho avy Izy handray ny fanjakana, dia harahin’ny laharam-be anotronan’ny olona rehetra nino Azy (2 Tesaloniana 1:10). Amboara toy inona moa izany fandreseny izany ! Dieny anio, ndao handray an’i Jesosy ho Mpamonjintsika sy Tompon’ny fiainantsika. Mendrika Azy ny fanajan’ny fontsika !